About us - Privacy Policy - Disclaimer - Contact us - Guest Posting - Income Reports

Group Blogging Ke Advantage Aur Disadvantage Kya Hai ?

Dosto aaj mai bahut hee intresting topic par post likh raha hu.Ye post padh kar aap bhi apane blogging carrier ko speed de sakte hai.

Aaj ke iss post me mai batane wala hu ki Group Blogging kya hai ? Isake kya-kya advantage aur kya disadvantages hai?

Kya Group Blogging safe hai…..kya aaj ke date me Group blogging karne wale blogger maujud hai…..Group blogging ka future kya hai…

Aur bhi bahut sare sawal jo aapke dimag me aa raha hoga.

Apane sare sawalo ke jawab pane ke liye apani curiosity mitane ke liye post ko last tak padhe.I’m sure ki aapke sare doubt clear ho jayenge.

 

Group-blogging-advantage-disadvantages

Group Blogging Kya Hai?

 

Group blogging ko samjhane se pahle hame blogging  kya hota hai isko janana avashyak hai.

Agar aap internet se talluk rakhate hai to kabhi na kabhi to blogging ,blog ya bloggers ke bare me jarur padha ya suna hoga….

Fir bhi agar aap nahi janate hai to mai bata du ki blog ek vyaktigat jaalprishth ya website hota hai jis par regular dayari ki tarah likha jata hai.

yah kisi fixed topic /niche par ya different-different topic par bhi ho sakata hai.

Blog ko likhane wale ko Blogger kahalate hai .Aur blog par regular fress aur informative jankari ko logo tak share karane ka pura process Blogging kahalata hai.

I hope ki aapko blogging kya hai samajh aa gaya hoga.Ab Ham bat karte hai ki group blogging kya hai.

 

What is Group Blogging In Hindi ?

 

Jaisa ki naam se hee pata chal raha hi ki ham kisi Group ya team ki bat kar rahe hai.

Agar mai simple shabdo me kahu to “do  ya do se adhik logo ke ek sath mil kar blogging karne ko group blogging kahate hai.”

 

Group ke ye members sath me post ya articles likhane wale, post ko edit karne wale ,post ke liye image banane wale ho sakate hai.

Ya fir off page SEO jaise blog ko social media par pramote karne wale ,quality backlink ke liye dusare blog par comment karne wale bhi ho sakte hai.

Blog design karane wale ya aur bhi tarike se blog se sambandhit ho sakte hai.

Aap group blogging ko to achhe se samajh gaye hai.Ab ham bat karte hai isase hone wale fayade ki.

  • Group Blogging Ke Advantages/Fayade

 

 

Internet ke iss daur me daily lakho blog/website banate hai.Par uname se sirf mutthi bhar blog hee apne presence ko internet ki duniya me banaye rakh pate hai.

Aur baki ke blog kisi karan se successful na hone ke karan, internet ki duniya ko sada ke liye alawida kah dete hai.

Blog ko successful banane me ek group ya team ka bahut bada yogdan hota hai.

Mere kahane ka matlab yah nahi hai ki app aleke blogging karke successful nahi ho sakte.

 

Ofcourse aap akele bhi blogging karke ek successful blogger ban sakte hai.Lekin Akele work karne se successful hone me time jyada lag sakata hai .

Aur ho sakata hai adhik samay lagane ke karan aap bich me hee blogging chhod de.

Isliye group blogging ek beahatar option hai blogging me carrier banane wale logo ke liye.

 

  • Fast Progress

Ek se bhale do… ye kahavat to aapne bhi suna hee hoga.Ye bat blogging ke field me bhi lagu hota hai.

Ise ham example ki help se samjhane ki koshish karate hai-

Man lete hai 2 log sath me mil kar blogging kar rahe hai.To unake dwara kiya gaya kaam bhi double hoga.

Jaise agar aap akele din me ek article likhate hai to aapka partner bhi agar ek article likhega ,to din me 2 article publish hogi.

Iss tarah se blog do gune speed se aage badhenge.

  • Traffic and Sharing 

Kisi bhi blog ki jaan traffic hoti hai.Agar aapke blog par traffic nahi hai to blog ke hone na hone se kuch fark nahi padhata.

“Jo dikhata hai vo bikata hai ” apne yah baat to suna hee hoga.Ye bat blog ke liye bhi lagu hota hai .

Jab daily lakho ke matra me blog ban rahe ho to aise me apane blog ke bare me logo ko batana bhi anivarya hai.

Kyoki jab tak aapke blog ke bare me sabhi logo ko pata nahi hoga ,vo visit kaise karenge.

Sharing fast aur effective tarika hai traffic increase karne ke liye.

Suppose aap akele pramotion kar rahe .Aur agar aapke sath aapki team bhi pramotion kar rahi hai .To fark padega ya nahi……ofcourse jamin-asaman ka fark aa jayega.

 

  • Mistake Correction

 

Hame apani galatiya dikhayi nahi deti hai.khud kiya gaya pratek kaam sahi hee lagata hai.Chahe vo sahi ho ya fir galat.

Agar hame apani khud ke mistake pata chal jaye to ham bahut aage ja sakte hai.

Hai na….

 

Agar aapki galatiya ,kamiya batane wala koi ho tab kya hoga ??Swabhavik si bat hai bahut aage jayenge.

 

Aise me agar aapka team hai to ,aapko apne galatiyo ka pata aasani se chal jayega.Jise turant sudhara ja skata hai.

 

agar life me galatiyo ko turant hee sudhar liya jaye. To ham soch bhi nahi skate ki life me kitani uchayi ko chhu sakte hai.

 

  • Updated Blog

 

Jindagi me dukh sukh laga rahata hai.Man lete hai ki aap kuch dino ke liye bimar ho gaye ya koi bahut jaruri kam aa gaya .Jisake karan aapka blog update nahi ho payega.

Aur isaka bahut hee bad effect aapke blog par dekhane ko bhi milega.Jab aapke visitors ko blog par kuch naya nahi padhane ko milega.Aur vo aapke blog ko visit karana dhire dhire karake chhod denge.

Blog se kisi ek bhi visitor ka sath chhutana bahut dukh ki baat hai.

Aise situation ko group member easily handle kar sakte hai.

 

  • Discussion

 

Blog ko aage le jane ke liye group discussion bahut jaruri hai.Akele ki soch aur ek team ki soch me bahut fark padata hai.

Sabhi ke sochane ka tarika alag alag hota hai.Koi problem ko solve karne me mahino lagata hai ,to kisi ke liye ye minato ya kuch ghante ka kaam ho sakta hai.

 

  • Group Blogging Disadvantages/

Mere nazar me group blogging ka koi khas disadvantage nahi hai.Par ham sab janate hai ki jis tarah se achhayi ke sath burayi bhi hoti hai.Usi tarah Kisi bhi chij ka agar Advantage hai to disadvantage bhi hona swabhavik baat hai.

Mai kuch disadvantage ki niche list kar raha hu.

 

  • Partner selection

Group blogging ki sabse bada problem hota hai ,partner ka chunav.Kyoki aapaka partner ya aapka team jaisa hoga usaka sidha asar aapke blog par padega.

agar aap ek sahi group ko choose karne me kamayab hote hai.To aapko ek successful blogger ke list me samil hone se koi nahi rok sakta hai.

Aur usi ke opposite ,agar aapka partner ya team ka chunav galat hai to blogging carrier ke the end me bhi samay nahi lagega.

 

  • Time Management

 

Kayi bar aisa ho sakta hai jab group kisi irrelevant mudde ko lekar bahas chhed de.Aise ki bahut bada time waste ho sakta hai.Kayi bar  important time gossips me nikal sakata hai.

 

  • Misunderstanding

 

Group me kisi baat ko lekar misunderstanding bhi ho sakti hai.Aur ye aapasi matbhed aapke blog ko asaman se lekar jamin par kab patak dega aapko pata bhi nahi chalega.

 

 

  • Frequent Question Answer About Group Blogging

 

Q-  Kya Group Blogging safe hai ?

A- Bilkul, group blogging safe hai.aur group blogging se kam samay me easily successful hua ja sakta hai.Agar aap sahi team ka selection karte hai.

 

Q- Kya aaj ke samay me group blogging karane wale blogger maujud hai. ?

A-Ji Ha. Isaka sabse bada example khud successveda hee hai.Yah ek group blog hai.Aur bhi bahut sare blog jaise Shoutmeloud etc hai.

Agar aapka bhi koi sawal group blogging se related hai to puch sakte hai

  • Conclusion

Group blogging ek behatarin option hai blogging me carrier banane ke liye.sirf blogging me hee nahi kisi bhi field me team work hamesa beneficial hota hai.

Agar aap sahi team ka chunav karate hai .To future me koi problem nahi hai.Lekin agar aap sahi team ko choose nahi kar sakte hai.

To mai suggest karunga ki aap akele hee blogging kare.Isame successful hone me time jyada lag sakata hai.Isliye dhairya ko banate rakh kar blogging kare
Successful hona ek din ka kaam nahi hota hai.Isake liye hame apane kaam ke prati imandari se lage rahana hota hai.
.
Ye bhi padhe-

Mai asha karata hu ki group blogging ke bare me padh kar aapko jarur kuch naya sikhane aur janane ko mila hoga.

Aap hame comment ke madhyam se apani pratikriya de sakate hai.

Iss post ko social media par share kar ke apne friends ko group blogging aur usake fayade nuksan ke bare me bata sakte hai.

 

Thanks

 

Subscribe Us Via Email

Content Delivery By Success Veda

Comments

  1. Reply

Leave a Reply

Your email address will not be published. Required fields are marked *