About us - Privacy Policy - Disclaimer - Contact us - Guest Posting - Income Reports

Hackers Ka Man In Middle Attack Kya Hai? Kaise Bache – Hindi

Hello dosto, aaj is ethical hacking beginner tutorial me ham hackers ka man in middle attack kya hota hai aur ye attack kitana khataranak hota hai iske bare me baat karenge.

Man in middle attack hindi

Man in middle attack hindi guide

aur sath hi is post me ham aapako man in middle attack se bachane ke tarike bhi batane wale hai jisase aap apane data ko hackers se protect kar sakate ho.

Aaj is post me ham man in middle attack kya hai? ek hacker man in middle attack kaise karata hai? Aur isase kaise bacha jaye? in 3 most important points par baat karenge. to chaliye 1 by 1 shuru karate hai.

sabase pahale man in middle attack aakhir kya hai isake bare me jan lete hai.

Man In Middle Attack Kya Hai? Kaise Hota Hai?

Dosto jaisa ki hackers ke is attack name me hi likha hai man in middle.. matalab koi aisa insan jo bich me ho. is attack ka kaam bhi kuch aisa hi hai.

Is middle man technique me ek black hat hacker do logo ke bich me baitha hota hai. aur vo un dono logo ke data ko unse pahale access karata hai aur kuch change karake agale person ko pass karata hai.

Example ke liye man lijiye ki maine aapako ek email bheja jisame mene likha ki muze aapaka behavior bahut achha laga aur me aapaka friend banana chahata hu.

aisa email likhakar mene aapako send kar diya to vo mere computer se to send ho jaayega but aapako receive hone se pahale kisi black hat ya gray hat hacker ke pas pahuch jayega.

phir vo hacker mere email message ko read karega aur agar usaka man ho to usame kuch changes karake phir aage aapako bhejega.

Matalab man lijiye mene aapako email kiya tha ki muze aapaka friend banana hai.. to agar vo hacker chahe to aisa bhi likhakar send kar sakata hai ki muze aapaki shakal tak pasand nahi..

Isase aap tak jo message aayega usame email address mera hoga. but jo message mene likha tha vo puri tarah se change ho chuka hoga.

Same isi tarah se agar aap muze us email ka reply karoge ki aisa kyo bol rahe ho to firase aapaka ye email us man in middle hacker ke pas chala jayega.

aur vo hacker us message ko change karake apane man ka message type karega aur phir use muze bhej dega.

isase ham dono ko lagega ki aap aur me baat kar rahe hai but asal me hamari baat ek dusare tak ek black hat hacker se hokar jayegi. matalab hamara jo bhi communication hoga vo hacker ke messages honge.

Is tarah se ye man in middle attack hota hai jo ki bahut hi khataranak hai. isase kisi ke bhi bich badi aasani se jhagada ho sakata hai ya koi hacker isaka galat use bhi kar sakata hai.

for example agar aapane kisi aadami ko job ke liye message kiya ho to hacker us message ke reply me aapase paise mang sakata hai. vo bol sakata hai ki hamari company me join hone ke liye aapako 50 hajar rs dene honge.

Aise me hame lagega ki ye email us aadami se aaya hai jisako hamane job ke liye mail kiya tha jab ki asaliyat me vo hacker dwara bheja gaya tha.

short me kaha jaye to man in middle attack me hamara aur samane wale insan ka communication hota hi nahi hai balki bich me baitha hua hacker hi dono taraf ke messages ko dekhata hai aur apane hisab se modify karake aage send kar deta hai.

Ab ye to huyi normal baat ki do log baatein kar rahe hai to hackers unke messages change kar sakata hai. but aap jitana soch rahe ho man in middle attack usase kai jyada ghatak hai.

Ab yaha tak to thik hai ki hacker agar hamare message change bhi kar de to ham direct us person se call par ya aamane samane baat karake pata kar sakate hai ki man in middle attack hua tha jisake karan ye sab hua. but agar baat ek badi company aur customer ki ho to?

man lijiye kisi hacker ko aapase paise lene hai ya bank details chahiye to vo is kaam ko man in middle attack se badi easily kar sakata hai..

aapako isaki bhanak tak nahi lagegi ki kab aapane khud apane bank details us hacker ke hawale kar diye!

Suppose, ek hacker hai jisako aapake bank credentials chahiye to vo simply aapako aapake bank me registered email ya mobile number par message karega ki sir aapaka bank account insecure hai aapako turant apana password change karana padega.

Aur us message me ek link dekar click karane ko kahega. jaise hi aap vo link khologe to aap same aapake bank ke jaisi dikhani wali duplicate site par pahuch jayenge.

Aapako aapake browser me link bhi aapake bank site ki hi dikhegi… HTTPS Security bhi najar aayegi but vo site nakali hogi. ise ham masking ya phishing technique kahate hai jisake jariye aapako bhramit kiya jayega ki aap apane bank ki hi website par ho par aap kisi alag hi site par honge.

jab aap password reset karane ke liye aapaka username aur old password daloge jo ki aapaka abhi real password hoga vo sidha us hacker ke database me store ho jayega jisase vo aapake account ke sath kuch bhi kar sakata hai.upar mene aapako bas example diya tha ki man in middle attack se ek hacker hame kis had tak nukasan pahucha sakata hai. is technique ka use karake aur bhi aisi aisi chije ki ja sakati hai jisake bare me ham soch tak nahi sakate.

ab aapako asal me pata chal gaya hoga ki man in middle attack kitana bhayanak hai. Aur ek hacker man in middle attack kaise karata hai. to chaliye ab iska solution bhi jan lete hai ki man in middle attack se bacha kaise jaye.

Prevent Man In Middle Attack Se Kaise Bache?

Is attack se khud ko protect karane ke kuch asardar tarike me aapako niche batane ja raha hu jinhe use karake aap man in middle attack prevent kar sakate ho.

1. Mutual Authentication –

agar aap chahate ho ki hacker aapake messages read ya modify na kar sake to aap mutual authentication ka istamal kar sakate ho. isase aap apane jo bhi documents ya information dusare ke sath share karoge vo sirf aap dono hi dekh paoge.

2. Encryption – Dusara tarika hai encryption. ye hamare data ko highly secure rakhata hai. kyonki agar ham kisi document, file, image ya kisi bhi data ko encrypt karate hai to computer language me translate ho jati hai jise koi bhi insan nahi padh sakata.

Aur ek baar encrypt kiye gaye document ko sirf vahi computer decode kar sakata hai jisake pas aapaki di huyi encryption key ho.

3. Password –

Agar aapaka data itana secret nahi hai to aap simply password lagakar bhi use protect kar sakate hai. kyonki jyadatar cases me middle man attack tabhi hota hai jab data kafi secret ya useful ho.

4. Digital Signature –

encryption ki tarah hi digital signatures bhi ek strong method hai apana data protect rakhane ka..

aap kisi bhi trusted 3rd party site se apani digital signature bana sakate ho. isake liye aapako ratina aur fingerprint scan karana hoga jo as a digital signature kaam karega.

5. Be Sure Before Clicking –

Aapako kisi bhi company ya site se email ya text message aaye to pahale pata kar le ki aakhir sachame aisa kuch hua hai aur confirm karane ke baad hi us link ko open kare.

Agar aapako jarasa bhi shak ho ki email spam hai to usaki link na khole aur apane secret credentials kisi ko na de.

Also Read –

Agar aapako ye hackers ka middle man attack kya hai aur isase bachane ke tarike pasand aaye ho to ise dosto ke sath share karake email se subscribe karana na bhule

Subscribe Us Via Email

Content Delivery By Success Veda

Leave a Reply

Your email address will not be published. Required fields are marked *