About us - Privacy Policy - Disclaimer - Contact us - Guest Posting - Income Reports

On Page SEO – Post Ka Sahi On-Page Optimization Kaise Kare

Is post me ham On Page SEO technique se blog content ko optimize kaise kare isake bare me baat karenge. Aur agar aap ye on page optimization tips achhe se follow karate hai to aap aasani se apani blog posts ko search engine me high rank dila sakate ho.

on page seo

On-Page Optimization

ham sab janate hai ki search engine optimization matalab seo ke basically on page seo and off page seo aise do main parts hote hai. Aur hame on page seo post likhate time karana hota hai jab ki off page seo optimization ham post publish hone ke baad karate hai.

On page seo me ham post title, permalink, keywords, heading and subshading, image optimization, meta tags, search description, anchor text, loading speed jaise kai seo factors par focus karate hai.

aur off page seo me ham post publish karane ke baad ke factors jaise directory submissions, forums posting, social media sharing, promotion par dhyan dete hai.

Kisi bhi blog ko search engine me achhi rank (SERP) aur high traffic prapt karane ke liye on page seo aur off page seo dono ka sahi tarike se optimization karana jaroori hai.

Filahal ham on page optimization technic ke bare me janenge aur aage wale time me ham aapako off page optimization ke bare me bhi batayenge.

To chaliye ham hamara aaj ka on page optimization mega seo guide start karate hai aur janate hai un sabhi search engine optimization techniques ke bare me jisase aap apani blog post google me first par show kar sakate ho.

On Page SEO – Blog Content Ko Optimize Kaise Kare Full Guide

agar aapako apani posts search results me first page par show karani hai to aapako on page content optimization stretergy apanani hi padegi. to chaliye step by step janate hai.

1. Post Title Length –

Jab visitor hamare site par aata hai ya google me kuch search karata hai to sabase pahale usaki najar me hamare blog post ka title aata hai. isaliye hame apana title ekdam attractive rakhana chahiye.

hamare post title me minimum 35 aur maximum 70 character ka use kiya jana jaruri hai. Agar ham 35 se kam length ka title rakhate hai to ye search engine se high traffic nahi dila sakata.

Aur agar ham 70 character se jyada length ka title rakhate hai to ye search engine me puri tarah se show nahi hota hai.

Isaliye hamesha apani post ka title 35 to 70 characters ki range me hi rakhe jisase hame search engine se achha response milata hai.

2. Use of keywords –

on page factors me keywords ka bahut hi bada role hai. ham chahe apane post ko kitane bhi achhe se kyo na likhe aur design kare usaka koi matalab nahi jab tak ham keywords ka sahi se use na kare.

Aur post me keywords use karana seo ka hi ek important part hai jisake bina hamari post puri tarah seo friendly nahi ban sakati.

isaliye apane post me keywords use karana bahut hi jaruri hai. post me keywords kaise aur kaha use karate hai isapar me already post share kar chuka hu.

3. Focus keyword in title –

hamare post ka jo focus keyword hota hai jise ham main keyword bhi kahate hai usako apane title me use karana bahut hi badhiya mana jata hai.

Isaliye jab bhi aap koi post ka title likh rahe ho to usame apane main keyword ka use jarur kare. Isase hamare post ka topic bhi clear ho jata hai aur search me page ki ranking bhi improve hoti hai.

Aur jitana ho sake apane keyword ko title ke shuru me rakhane ki koshish kare. Aap jitana shuru me keyword use karenge aapako utana hi seo benefit milega.

title me keyword use kare

title me keyword use kare

Agar kisi case me title ke starting me keyword match nahi hota hai to aap bich me bhi use kar sakate ho par hamesha starting me rakhane ki koshish kare.

4. Don’t repeat a keyword –

Title me keyword ka use karana seo ke liye achha hota hai par dhyan rakhe ki aapako bas 1 hi bar title me keyword use karana hai matalab ek hi keyword ko bar bar repeat nahi karana hai.

For example –

On page seo kya hai? Aur on page seo kaise kare?

Ye title bilkul galat hai kyonki isame on page seo ko 1 se jyada bar istemal kiya gaya hai jo ki negative seo me jata hai. Isaliye hamesha ek hi bar keyword ko use kare.

For example –

On page seo kya hai? Aur content ko optimize kaise kare?

Upar diye gaye example me aap dekh sakate hai ki title me ek hi bar keyword ka use kiya gaya hai jo seo ke hisab se bilkul sahi hai.

5. Keywords in first and last paragraph –

apane post ke main keyword aur long tail keyword ko post ke pahale paragraph me matalab first 100 words ke andar aur last paragraph me matalab last se 100 words ke andar jarur use kare.

kyonki google search bots jab hamara content crawl karane aate hai to vo title aur permalink ke baad sabase pahale hamare post ke first aur last ke 100 words ko prefer karata hai aur usi hisab se search engine me hamare content ki rank declare ki jati hai.

paragraphs me keywords use kare

First aur last paragraph me keyword use kare

Isaliye hamesha post ke starting aur ending me keyword ka use kare.

6. Keyword density –

Jab ham on page seo ki baat karate hai to hamare mind me sabase pahale keywords ka khayal aata hai. Aur ye keywords ka use karana important bhi hai.

Par keyword use karane ka matalab keyword density ka ek formula hai jisako follow karake ham apani post me sahi se keyword density maintain kar sakate hai.

Ham jitani badi post likhenge usake total words ke minimum 0.5% aur maximum 2.5% ke matra me hame keyword use karane hai. Matalab agar meri post 100 words ki hai to me puri post me max 2 ya 3 bar keyword ka istamal karunga.

7. Avoid keyword stuffing –

Keyword ka use karana bahut jaruri hai ye baat bilkul sach hai. aur ye bhi sach hai ki bina keywords ka use kiye search engine me high rank pana bahut hard hai.

par ye baat bhi utani hi sach hai ki koi bhi chij limit me kare to vo achhi hoti hai. kahane ka matalab ki keyword use karo ka matalab ye nahi ki aap puri post keyword se hi bhar de.

Isaliye keyword density sirf 0.5% to 2.5% hi rakhe. Varana aap jane ya anjane me keyword stuffing kar baithenge jisase aapako search engin se panelty bhi mil sakati hai.

8. Use Numerics in title –

Shayad aapako ye baat sach na lage ki title me numbers use karane se hamare post ko achha response milata hai par ye baat bilkul sach hai.

Hame apane post title me numeric (digits) use karane chahiye. isase hamara post title kisi ki najar me aate hi turant vo link par click kar deta hai aur hamare blog par aata hai.

Agar me aisa title rakhata hu jisame number ka use na kiya ho to bahut less chances hai ki koi isapar click karega.

For Example –

january 2017 ke top popular apps

 

Vahi dusari or agar me title me numeric use karata hu to jyada log isako pasand karenge.

For Example –

January 2017 ke top 10 popular apps

Upar dono titles me se konasa jyada attractive lagata hai ye aap khud deside kar sakate hai.

9. attractive words (modifiers) in title –

Jaise ki hamane upar example me dekha ki title me numbers use karane se hamare title ki quality aur specification level achhi hoti hai. Thik usi tarah se on page seo ke liye title me modifiers use karane se hamara title aur bhi eye catchy ho jata hai.

Jisase agar koi hamare title ko dekhata hai to use article padhane ka man hota hai aur vo hamare post link par click kar deta hai.

Modifiers vo words hote hai jo hamare post ke quality ko represent karate hai. Aur logo ko apani taraf attract karate hai. Jaise,

Top, Useful, Guide, Full Guide, Detailed Information, Best, Untold etc.

 

Isaka use karake ham apane title ko aur bhi classy look de sakate hai.

10. Permalink Structure –

Title ko fully optimize karane ke baad bari aati hai permalink optimization ki. Kyonki title ka seo friendly hona jitana jaruri hai utana hi jaruri hai hamare post ke permalink ka seo friendly hona hota hai.

Ham hamare post link ko hi permalink kahate hai aur hame ye permalink structure apane hisab se customize karana hota hai taki hamari post ko search engine aasani se understand kar sake aur hamari post top par show kar sake.

Blogger me ham post editor ke sidebar me custom permalink option chunakar apani permalink set kar sakate hai.

WordPress me hame bahut prakar ki permalink structures ke options milate hai jisame se ham jo chahe vo link structure choose kar sakate hai.

Jaise ki..

1. successveda.com/2017/01/on-page-seo/

2. successveda.com/on-page-seo/

3.successveda.com/2017/01/7262

Is type ke bahut sare structures hamare wordpress blog ke liye available hote hai. isame se ham aapako 2nd structure recommend karenge. kyonki aap isame easily apana keyword use kar sakate ho aur ye short bhi hai.

Aap wordpress blogger ho to dashboard>>setting>>permalink me jakar apana default permalink structure change kar sakate hai.

Aur jab aap koi new post likhe tab bhi manually permalink edit karake usame apana keyword jarur add kare.

11. Remove stop words from permalink –

Search engine stop words ko index nahi karata hai isaliye Jab ham permalink set karate hai tab yaad se usame se stop words ko remove kar dena chahiye.

Stop words un shabdho ko kaha jata hai jo sabhi log commonly use karate hai. Inhe common words bhi kaha jata hai. Aur aise common words search engines dwara ignore kiye jate hai. Isaliye inhe permalink se remove kare.

common words kuch niche ki tarah hote hai..

A, an, and, or, the, has, is, was, where, there etc.

in common words ko remove karane se hamari permalink short hoti hai aur seo friendly bhi..

For example –

successveda.com/benefits-of-the-seo/

Isaki jagah par ham

successveda.com/seo-benefits/

Is type ki link use kar sakate hai jo ki short hone ke sath sath seo optimized bhi hai.

12. Remove extra words from permalink –

Jaise hamane upar stop words ko remove karane ke baare ne jana same usi tarah link me jo extra words hote hai unako hame remove karana chahiye.

use short permalink

Short permalink rakhe

Isase bhi hamari link short and attractive lagati hai jisase agar ham apani link social media par share karate hai to us link ko dekhate hi log us post topic ke bare me samajh jate hai aur hame koi extra description dene ki jaroorat nahi padegi ki link me kya hai.

13. Keyword research –

Apani post ke liye sabase pahale ek high cpc aur achhe search volume ka keyword khoje aur use apani post me implement kare.

Aap chaho to keyword research ke liye Google keyword planner tool ka use kar sakate ho. ye aapako best keywords, search volume, CPC bids suggest karata hai.

14. Enable search/Meta description –

Search description ya meta description hamare post ko search engine me top rank dilane me bahut bada role play karata hai. ye hamare post ka ek short description hota hai jisame hame 150 characters me post me kya hai isaki janakari deni padati hai.

meta description add kare

Meta description likhe

Agar aap blogger platform par ho to aap blogger ki har post me meta description enable kar sakate ho. Aur agar aap wordpress blogger ho to yoast seo plugin ka use karake meta description set kar sakate ho.

15. Use Headings and subshadings –

Hame apane post structure par bhi dhyan dena chahiye. Aur hamare post structure ko user friendly aur search engine friendly banane ka sabase aasan Aur important tarika hai heading aur subshading ka use karana.

Ham apani post me H1 se H6 tak ke Headings ka istemal kar sakate hai. Aur hamare post ka title hi h1 heading hota hai isaliye hame h1 heading khud se use karane ki koi jarurat nahi.

Matalab ham post me headings ka use niche diye gaye quantity me kar sakate hai –

  1. H1 heading ko 1 bar
  2. H2 heading 2 baar
  3. H3 heading ko 3 baar
  4. H4 heading ko 4 baar
  5. H5 heading 5 baar
  6. H6 heading ko 6 baar

is tarah se ham headings ka use kar sakate hai. par heading istemal karane ka matalab ye bhi nahi ki aap jitani chaho utani headings ka istamal kare.. isase search engine aapake content ko spam samajh sakata hai aur aapake blog ko search se penalize se kar sakata hai.

16. Use multimedia –

Aap content kitana bhi badhiya kyo na likh le but agar hamari post me images ya videos ka use nahi kiya gaya ho to vo boaring ban jati hai.

Ek scientific research ne ye prove kiya hai ki human brain text me nahi balki pictures me sochata hai. Aur isaliye hame padhane se jyada dekhane me dilchaspi hoti hai aur padha hua lekh se jyada dekha hua multimedia lambe samay tak yaad rahata hai aur jyada achhe se samajh aata hai. fir vo image diagram ho ya koi video.

Isaliye apani post me at least 1 image jarur use kare aur ho sake to post se related video banakar bhi post me add kare. Jisase user ko understand karane me aasani hoti hai.

17. Alt tag in images –

Post me multimedia ka use karana hai yaha tak to thik hai. but hame post ki tarah images ko bhi seo friendly banana padata hai.

Search engine text to search query se match karake results show kar sakata hai par images kaise match karega. Agar sidhe sabdo me kahe to search engine ko post ka text content samajh aata hai but vo images ko nahi samajh sakata.

Isaliye hame images me alt tag add karana chahiye taki search engine use understand kar sake aur image results me show kar sake.

Alt tag vo text hota hai jo agar image slow connection se load na ho to usake replacement me show karata hai.

Alt tag in blogger

Alt tag in blogger

Blogger platform par ham post editor me image par click karake properties me jakar alt tag add kar sakate hai.

blogspot post me alt tag lagaye

Blogger me alt tag lagaye

Alt tag me focus keyword jarur use kare.

WordPress me bhi lagbhag same process hai.

alt tag in wordpress

wordpress post me alt tag lagaye

Post editor me image par click karake edit>>alt tag. is sequence ko follow karake aap image me alt tag laga sakate hai.

18. Image compression –

image compression ek image optimization ka bada part hai aur image optimization on page seo ka hi ek hissa hai. agar ham image ko compress nahi karate to ham use optimized image nahi bol sakate.

Ye baat sahi hai ki images post me hone se user ki topic se related understanding badhati hai. but ye bat tabhi lagu hoti hai jab ham image ko achhi tarah se optimize kar le. Aur image optimization ka sabase pahala step compression hai.

kyonki agar hamari image size jyada huyi to vo loading speed par negative impact dalegi. Jisase hamari site ka bounce rate badhega jo na hame pasand hai na google ko..

Mene pahale hi online image compression tool ki janakari di hai jisase aap bina image quality kam kiye apane blog ki images ko compress kar sakate ho. Infact ham bhi yahi tool use karate hai.

19. Rename images –

Images compress karane ke baad use hamare post ke keyword se rename karana bhi jaruri hota hai. kyonki google us image me kya hai ye janane ke liye usake title ko bhi fetch karata hai aur usi hisab se hamare image ki search me position fix hoti hai.

So, image upload karane se pahale yaad se use apane keyword se rename kar le.

For Example –

Jab ham koi image banate hai ya online compress karate hai to use by default ek unique id se name mil jata hai jaise,

Gj73tu67bk.jpg

par ye format search engine ko samajh nahi aata. isaliye hame apani images apane targeted keyword se rename karani chahiye. Aur yaad se har word ke bich me dash (-) ka as a separator ke rup me use karana chahiye.

For Example –
Is post ka targeted keyword on page seo hai to me image ko kuch niche ki tarah rename karunga.

On-page-seo.jpg

20. Use text styles (Bold, Italic, Underline) –

Hame apane post me keywords aur kuch important words ko bold, italic and underline styles deni chahiye.

aap is post me dekh sakate hai ki mene kuch jagah par on page seo keyword ko bold kiya hua hai aur kuch important words italic and underline bhi kiye hai.

use bold italic and underline

Bold, Italic aur underline ka use kare

ye styles hamare visitors ki najaro ko aasani se catch kar leti hai. Isaliye hamesha important sentence ya words ko bold, italic ya underline karani chahiye.

Par yaad rahe ki isaka over use nahi karana hai. agar aap aisa karate hai to ye readability ko kharab kar sakata hai isaliye iska limit me istemal kare.

21. Anchor text –

Anchor text hamare page ya post me dusare post ke keyword ko di gayi internal ya external link hoti hai. Anchor text seo ke liye bahut jaruri hota hai aur on page seo ka ye ek important factor hai.

anchor text

Good anchor text

Good anchor text ka use karake ham content ki rankings improve kar sakate hai aur sath me achhi internal post linking bhi kar sakate hai.

Ek post me dusare post ki link add karane ke liye kuch bloggers yaha click kare, click here aise words use karate hai. par ye bilkul galat hai aur ise bad anchor text kaha jata hai.

For example –

copyright content se bachane ke liye blog me canonical link tag ka use karana chahiye usake liye yaha click kare.

ye ek tarah ka bad anchor text kahalata hai jo ki on page seo guidelines ke khilaf hai.

Jab ki On page seo rules ko yaad rakhate huye hame apani post me link add karane ke liye good anchor text ka use karana chahiye.

For Example –

copyright content se bachane ke liye blog me canonical link tag add karana chahiye.

is example me “canonical link tag” good anchor text hai.

22. Loading Speed –

shayad aapako ye baat sunakar hairani ho but google ab site ka loading time ko judge karake search results me hamare blog ki rank decide karata hai. isaliye apane site ko jitana ho sake fast loading banane ki koshish kare.

Amazon ne bhi ye bataya hai ki vo daily apane hajaro customers kho dete hai kyonki unki site ka time baki shopping sites ke mukabale sirf 1 ya 2 seconds jyada hai. isase aap khud loading speed ke importance ka andaja laga sakate hai.

Aap apani site ka loading speed gtmetrix par check karake use achha banane ki koshish kare.

agar aapake site ka speed 4 sec se kam hai to koi baat nahi but agar 4 sec se jyada hai to aapako loading speed par work karane ki jarurat hai.

pahale successveda ka loading speed 7 sec se bhi jyada tha. aur isake karan hamara bounce rate aasaman chune laga tha. par ab ham loading time par khas dhyan dete hai. tabhi hamare site ka loading speed ab 3 second hai jo ki pahale se kafi achha hai.

Aap niche gtmetrix report dekh sakate ho.

gtmetrix site speed test

successveda gtmetrix speed test

Agar aap ek wordpress blogger hai to aap wordpress post revisions off karake bhi loading speed improve kar sakate hai. aur W3 super chacher plugin ka bhi use kar sakate ho.

23. Add internal and external links –

Ham post me jo links add karate hai vo basically 2 types ke hote hai.

  • Internal links – ye links hamare khud ke hi blog ke kisi post ya page ki hoti hai jo ham hamare dusare related post me add karate hai.

Is type ke links add karake ham bounce rate kam kar sakate hai aur sath hi page views aur daily time on site bhi increase kar sakate hai. isaliye apani post me internal links ka use jarur kare.

  • External links – ye vo links hai jo ham hamare post me to add karate hai but ye hamare blog ke hi kisi dusare page ya post ki link nahi hoti. ye links kisi other site ki hoti hai. fir vo google, weekipedia ya kisi bhi other blog ya site ki ho sakati hai.

External links ko outbound links bhi kaha jata hai. Aur ye hamare blog ki rank achhi banane me help karati hai.

24. Post length –

mere khayal se agar hame search engine se achha traffic chahiye ya google me achhi rank pani hai to hame at least 1000 – 1200 words ki post likhani chahiye.

Kahane ka matalab ki hamari post minimum 1000-1200 words ki to honi hi chahiye. Tabhi vo search me top par aa sakati hai.

Isaliye jab bhi koi post likhe to usase related jyada se jyada janakari share karane ki koshish kare. but isaka matalab ye nahi hai ki aap kuch bhi likh de.

aapake content me bhi dam hona chahiye. aur agar aapaki post length jyada hai to aapako search engine me rank pane me aur aasani hoti hai. Isaliye me aapako jitana ho sake utana bada article likhane ko kahuga.

25. Short paragraph –

Agar aap post me bahut bade bade paragraphs use kar rahe hai to aap bilkul galat way par ja rahe ho. koi bhi reader large paragraphs ko jyada der tak padhana pasand nahi karata hai.

Hame apani post me short paragraphs rakhane chahiye. Isase readability improve hoti hai aur visitors ko hamari post boaring nahi lagati.

Sath hi hamare post ka structure bhi attractive lagane lagata hai. u kahe to hamara content seo friendly ke sath user friendly bhi ho jata hai.

isaliye hamesha apane paragraphs ko short hi rakhe means ek paragraph me 3-4 sentences ka use kare. isase hamare time on site per visitor me bhi improvement hoti hai jo Alexa ke main factors me se ek hai.

26. Sharing Options –

apane readers ko aapaka content share karane ka mauka de. jisase aapake blog ka promotion bhi ho jayega aur dusaro ki help bhi ho jayegi. apane readers ko sharing options provide karane ka fayada ye hota hai ki aapake site ko new visitors milate hai. aur readers bhi aapake hisse ka thodasa work kar dete hai.

isake liye aap social sharing buttons ka use kar sakate ho. isase visitors ko aapaka content pasand aane par vo apane dosto ke sath share kar sake.

agar aapaka blog wordpress par hai to aap apani posts jetpack publicize ke jariye auto share bhi kar sakate ho.

27. Bullets and numberings –

On page seo me apane post ki readability improve karane ke liye bullets aur numberings ka use karana ek effective tarika hota hai.

Jab ham bullets ya numbers ka use karate hai to hamare visitors ko padhane me aasani hoti hai.

Ham bullets ya numbers ka use karake bade aasani se apani baat kah sakate hai. matalab agar koi topic hai jisake kuch sub points hai to ham us topic ki heading dekar usake niche numbering ya bullets ka use kar sakate hai. jisase reader ko ye aasani se pata chal jata hai ki ye upar ke heading ke hi subpoints hai.

Ham post ki summary batane ke liye bhi bullets ka use kar sakate hai.

Example ke liye me aapako niche numbering ka use karake dikha raha hu.

On Page SEO Kaise Kare Full Guide In Hindi

  1. post ka title short rakhe
  2. post me keywords target kare
  3. title me keyword use kare
  4. title me ek hi keyword ko repeat na kare
  5. first aur last paragraph me keyword ka istemal kare
  6. keyword density maintain rakhe
  7. keyword stuffing avoid kare
  8. title me Numerics ka use kare
  9. title me modifiers ka istemal kare
  10. permalink me stop words use karane se avoid kare
  11. permalink structure par dhyan de
  12. permalink se extra words remove kare
  13. keyword research ke liye samay nikale
  14. meta description enable kare
  15. H1-H6 heading and subshading ka use kare
  16. post me attractive multimedia add kare
  17. image me alt tag lagaye
  18. post me image use karane se pahale compress kare
  19. image upload karane se pahale rename kar le
  20. important words ke liye bold, italic aur underline styles use kare.
  21. good anchor text ka use kare
  22. loading speed improve kare
  23. internal aur external links add kare
  24. minimum 1000 words ki post likhane ki koshish kare
  25. paragraphs ko short rakhe
  26. blog me social sharing buttons add kare
  27. bullets aur numbering ka use kare

to dosto last me itana hi kahunga ki upar diye gaye sari on page optimization techniques ko achhe se follow kare aur agar aapako ye on page seo guide pasand aaya ho to please ise apane friends ke sath share karake hame email se subscribe kar le.

Subscribe Us Via Email

Content Delivery By Success Veda

Comments

  1. Reply

    • Reply

  2. Reply

  3. Reply

  4. Reply

    • Reply

  5. Reply

    • Reply

  6. Reply

Leave a Reply

Your email address will not be published. Required fields are marked *